ენერგეტიკის სამინისტროს ინფორმაციით, 26 აგვისტოს 500 კვ-იან ელექტროგადამცემ ხაზზე "ქართლი -2" -ზე მომხდარი ავარიის შედეგები ლიკვიდირებულია. სამინისტროში განმარტავენ, რომ ამ დროისათვის ენერგოსისტემა შეუზღუდავად მუშაობს.
შეგახსენებთ, რომ 26 აგვისტოს 18 საათზე, 500 კვ-იან ელექტროგადამცემ ხაზზე "ქართლი -2"-ზე მომხდარი ავარიის გამო, დასავლეთ და აღმოსავლეთ საქართველოს ელექტროენერგიის მიწოდება შეეზღუდა.
დაზიანება ჭიათურის ტერიტორიაზე იქნა აღმოჩენილი. სს "საქრუსენერგოს" ბრიგადები მთლი ღამის განმავლობაში მუშაობდნენ ავარიის ლიკვიდაციისათვის.