ფარავნის ტბის ირგვლივ კავკასიური ფიჭვის ტყის კორომი გაშენდება. ინიციატივა ეკოლოგიური ტურიზმისა და საკურორტო ინფრასტრუქტურის განვითარებისთვის საქართველოს პრეზიდენტს ეკუთვნის.
ტყის კორომის გაშენება სექტემბრის თვის მეორე ნახევარში დაიწყება და ოქტომბრის ბოლომდე ტბის შემოგარენში 5000 ძირი კავკასიური ფიჭვი დაირგვება.
განაშენიანების აქციაში, სამინისტროს სანერგე მეურნეობის თანამშრომლებთან ერთად, ადგილობრივი მოსახლეობა დასაქმდება და ტყის მოვლა-პატრონობაზეც თავად იზრუნებენ.
გარემოს დაცვისა და ბუნებრივი რესურსების მინისტრი გოგა ხაჩიძე სამცხე-ჯავახეთის რეგიონს სტუმრობდა, სადაც დაბა ფოკაში ფარავნის ტბის მიმდებარე ტერიტორია დაათვალიერა.
მკაცრი კლიმატური პირობების გამო, ფარავნის მიმდებარე ტერიტორიაზე ერთადერთი ჯიში- კავკასიური ფიჭვი ხარობს.
