ერთ-ერთი, მაგრამ არა ერთადერთი მნიშვნელოვანი ილუსტრაცია, თუ რაოდენ არაკომპეტენტურია „ქართული ოცნების“ საგარეო პოლიტიკა, არის ის, რომ ამ წლების განმავლობაში სულ უფრო ნაკლებად გვესმის, რომ დასავლეთისა და რუსეთის ორმხრივ პოლიტიკურ დღის წესრიგში საქართველოს საკითხი თითქმის, საერთოდ აღარ ფიგურირებს, - ამის შესახებ ”ევროპული საქართველოს” მდივანმა გიორგი კანდელაკმა ანგელა მერკელისა და ვლადიმერ პუტინის შეხვედრასთან დაკავშირებით განაცხადა.
მისი თქმით, "ქართულ ოცნებას" არასწორი საგარეო პოლიტიკა აქვს, რაც ქვეყნის ინტერესებს აზარალებს.
"თუკი ცივილიზებული სამყაროს ლიდერებმა, ამ შემთხვევაში გერმანიის კანცლერმა რუსეთის ლიდერებთან შეხვედრაზე საქართველოს საკითხი არ დააყენეს, საქართველოდან რუსეთის ჯარების გაყვანის საკითხი და ჩვენი დევნილების დაბრუნების საკითხი, ასეთ შემთხვევაში ჩვენი ტკივილი, ჩვენი საკითხები ვერასდროს ვერ წაიწევს წინ.
ერთ-ერთი, მაგრამ არა ერთადერთი მნიშვნელოვანი ილუსტრაცია, თუ რაოდენ არაკომპეტენტურია „ქართული ოცნების“ საგარეო პოლიტიკა, არის ის, რომ ამ წლების განმავლობაში სულ უფრო ნაკლებად გვესმის, რომ დასავლეთისა და რუსეთის ორმხრივ პოლიტიკურ დღის წესრიგში საქართველოს საკითხი თითქმის, საერთოდ აღარ ფიგურირებს.
სწორედ ამიტომ ჩვენი ქვეყნისთვის სასიცოცხლოდ მნიშვნელოვანი, რომ გერმანიის კანცლერის მომავალი ვიზიტის ერთ-ერთი მთავრი თემა იყოს, რომ საქართველოს საკითხი დაბრუნდეს დასავლეთ რუსეთის ორმხრივ პოლიტიკურ დღის წესრიგში", - განაცხადა კანდელაკმა.