ჯაბა ფუტკარაძე ვარშავის სავაჭრო პალატის თავმჯდომარეს შეხვდა. ოფიციალურ შეხვედრაზე მინისტრმა ვარშავის სავაჭრო-სამრეწველო პალატის თავმჯდომარეს აჭარის ეკონომიკური და საინვესტიციო პროცესები გააცნო.
მხარეებმა, პოლონეთის მხარდაჭერის ფარგლებში,აჭარაში მიმდინარე სხვადასხვა მნიშვნელოვან პროექტებზე ისაუბრეს და ვარშავის სავაჭრო-სამრეწველო პალატასთან ურთიერთანამშრომლობის გაღრმავების საკითხები განიხილეს.
სამომავლოდ ვარშავის და აჭარის სავაჭრო-სამრეწველო პალატებს შორის ერთობლივი ღონისძიებები განხორციელდება.
ჯაბა ფუტკარაძე სტუმარს აჭარაში დაგეგმილ სიახლეებზე, საპრივატიზაციო პოლიტიკაზე და მიმდინარე ინფრასტრუქტურულ პროექტებზე ესაუბრა.
მარეკ ტრეჟიკთან შეხვედრაზე საუბარი სხვადასხვა მიმართულებით სამომავლო ურთიერთთანამშრომლობის გაგრძელებას და გამოცდილების გაზიარებას შეეხო.
