"ჩვენ განვაგრძობთ კერძო სექტორის მხარდაჭერას, ვაპირებთ დავეხმაროთ საქართველოს გაზარდოს თავისი კონკურენტუნარიანობა მსოფლიო ეკონომიკაში და განავითაროს ინფრასტრუქტურა", - ამის შესახებ განცხადება IFC -ის ხელმძღვანელმა და აღმასრულებემა ვიცე-პრეზიდენტმა ლარს თანელმა საქართველოში ვიზიტისას გააკეთა.
თანელი დღეს საქართველოს პრემირ-მინისტრს ნიკა გილაურს შეხვდა და საქართველოსა და IFC -ის შემდგომი თანამშრომლობის გეგმები განიხილა.
თანელის განცხადებით, IFC -მ საქართველოს საბანკო სექტორსა და ბიზნესს ფინანსური კრიზისის დროს მნიშვნელოანი დახმარება გაუწია.
პრემიერ-მინისტრთან შეხვედრისას თანელმა აღნიშნა, რომ მთავრობასთან, კერძო სექტორთან და სხვა საერთაშორისო საფინანსო ინსტიტუტებთან მჭიდრო თანამშრომლობა IFC _ის საქართველოში მნიშვნელოვანი შედეგის მიღწევაში დაეხმარა.
შეხვედრისას თანელმა და პრემიერ-მინისტრმა მიმდინარე პროექტების გარდა ისაუბრეს ასევე საქართველოში გზების განვითარებაში კერძო სექტორის როლის გაზრდაზე.
პრემიერ-მინისტრის ნიკა გილაურის განცხადებით, IFC -მ სამი წლის განმავლობაში საქართველოს 360 მლნ. დოლარი გამოუყო.
"2008-2009-2010 წლებში IFC -მ ქვეყანის ეკონომიკის განვითარებაში მნიშვნელოვანი წვლილი შეიტანა. ამ პერიოდში საფინანსო ინსტიტუტის პორთფელმა 360 მლნ დოლარი შეადგინა, რომლის ძირითადი ნაწილიც საბანკო სექტორისკენ მიიმართა, რანაც თავის მხრივ საბანკო სექტორის განვითარებაზე და გაჯანსაღებაზე მნიშვნელვანი გავლენა მოახდინა. იმედია IFC საქართველოს მხარდაჭერას მომავალშიც გააგრძელებს და ის თავის პორთფელს საქართველოში კიდევ უფრო გაზრდის", - განაცხადა საქართველოს პრემიერ-მინისტრმა ნიკა გილაურმა.
IFC -ის ხელმძღვანელისა და აღმასრულებლი ვიცე-პრეზიდენტის ლარს თანელის განცხადებით, ხელშეკრულებები უკვე გაფორმებულია 340 მლნ. დოლარის გამოყოფაზე, რომელიც ძირითადად ოთხი მიმართულებით ნაწილდება, თუმცა ყველაზე დიდი ნაწილი მაინც საბანკო სექტორის გაჯანსაღებას მოხმარდა.
"თანხის დიდი ნაწილი საბანკო სექტორისკენ მიიმართება. გარდა საბანკო სექტორისა რასაც IFC -ი საქართველოში აფინანსებს არის მცირე და საშუალო საწარმოების შექმნა, რომლიც თავის მხრივ ახალი სამუშაო ადგილების შექმნის წინაპირობაა. გარდა ამისა ვმუშაობთ საინვესტიციო კლიმატის გაუმჯობესებაზე. ბანკებს ახალი პროდუქტების შექმნაში ვეხმარებით, რათა მათ მცირე საწარმიებზე საკრედიტო პორთფელი გაზარდონ. მესამე მნიშვნელოვანი პროექტი, რომელსაც საქართველოში ვაფინანსებთ არის ინფრასტრუქტურული პროექტები: გზები, განახლებადი ენერგია და პორტები. მნიშვნელოვანი სეგმენტია ასევე ჩვენთვის სოფლის მეურნეობა. თუმცა სოფლის მეურნეობაში მხოლოდ ფერმერებს კი არა მთლიან საწარმოო ჯაჭვს ვაფინანსებთ. მნიშვნელოვანია, რომ სოფლის მეურნეობის დარგში ლიჯისტიკა განვითარდეს და ქვეყანამ საკუთარი საექსპორტო პოტენციალი მაქსიმალურად გამოიყენის", - განაცხადა ლარს თანელმა.
თანელი საქართველოში ვიზიტისას IFC -ის კლიენტებს და სხვა საფინანსო ინსტიტუტების წარმომადგენლებს შეხვდა და განაცხადა, რომ IFC განაგრძობს საქართველოში ინვესტიციების განხორციელების შესაძლებლობების ძიებას, განსაკუთრებით ისეთ სექტორებში როგორებიცაა აგრობიზნესი, განახკებადი ენერგია, ტრანსპორტი და ენერგეტიკასთან დაკავშირებული ინფრასტრუქტურა.
საქართველოდან ლარს თანელი სომხეთს ეწვევა.
შეგახსენებთ, რომ 1995 წლიდან სხვადასხვა სექტორის 35 პროექტში IFC -ის ინვესტიციებმა საქართველოში თითქმის 500 მილიონი აშშ დოლარი შეადგინა.
IFC, მსოფლიო ბანკის ჯგუფის წევრი, განვითარებაზე ორიენტირებული ყველაზე მსხვილი საერთაშორისო ინსტიტუტია, რომელიც განვითარებად ქვეყნებში კერძო სექტორს უჭერს მხარს.