გენერალ სამსონ ქუთათელაძის მკვლელობაში ბრალდებულ გიორგი ჭანტურიას ბრალი ოფიციალურად უკვე წარუდგინეს.
როგორც გიორგი ჭანტურიას ადვოკატი, ალექსანდრე კობაიძე აცხადებს, გამომძიებელმა მისი დაცვის ქვეშ მყოფის უფლებები დაარღვია, რადგან მისთვის ბრალდებულის პოზიცია საინტერესო არ იყო.
"მას ედავებიან სისხლის სამართლის კოდექსის 108-ე და 236-ე მუხლებიდან გამომდინარე შესაძლო დანაშაულის ჩადენის ფაქტს. ამ დრომდე ჩვენ მტკიცებულებები არ გვქონდა გადმოცემული. ახლა გადმოგვეცა. გამომძიებელმა დაიწყო გიორგი ჭანტურიას გამოკითხვა. ჩვენი სურვილი იყო, რომ დეტალურად მიგვეწოდებინა გამოძიებისთვის ინფორმაცია. თუმცა, გამომძიებელმა ფაქტობრივად დაარღვია გიორგი ჭანტურიას უფლებები და ისე წავიდა დროებითი მოთავსების იზოლატორიდან, რომ მისთვის ბრალდებულის პოზიცია არ იყო საინტერესო. ჩვენ სასწრაფო წესით განცხადება მოვამზადეთ და ვითხოვთ დეტალურად მოხდეს გიორგი ჭანტურიას გამოკითხვა. მას აქვს დეტალური ინფორმაცია აღნიშნულ საქმეზე. ის არის მნიშვნელოვანი მოწმე. მოგეხსენებათ ჭანტურიამ გარდაცვლილი სამსონ ქუთათელაძე ერთ-ერთმა ბოლომ ნახა", - განაცხადა კობაიძემ.
"ვიდეო და აუდიო მტკიცებულებები ძალიან ბევრია. კრეპსებია დაახლოებით 100 ჩანაწერი. სულ 50 დისკი გადმოგვეცა. ამას ყველაფერს გაცნობა და დამუშავება უნდა", - განაცხადა კობაიძემ.
