თარიღი    დრო

შსს-მ მიმდინარე საგამოძიებო სისტემის რეფორმის ფარგლებში ტრენერ გამომძიებელთა გადამზადება დაიწყო

საქართველო, თბილისი - 16:56 08.09.2018 140

შინაგან საქმეთა სამინისტროში მიმდინარე საგამოძიებო სისტემის რეფორმის ფარგლებში ტრენერ გამომძიებელთა გადამზადება დაიწყო.
შინაგან საქმეთა სამინისტროში საგამოძიებო სისტემის რეფორმირების პროცესი მიმდინარეობს. რეფორმის ფარგლებში გამომძიებელთა გადამზადება დაიწყო.
ტრენერი გამომძიებლების სამდღიანი ტრენინგი შინაგან საქმეთა მინისტრის მოადგილემ - ნათია მეზვრიშვილმა გახსნა და სწავლების მონაწილეებს მიმდინარე რეფორმის შესახებ ესაუბრა.
რეფორმის მიზანია საგამოძიებო, ოპერატიული და საუბნო მიმართულებების ერთმანეთისგან გამიჯვნა, სპეციალიზაციის დანერგვა და გამოძიების ხარისხის ამაღლება. ახალი სტრუქტურა მიმდინარე წელს თბილისში პილოტურად დაინერგება.
გადამზადების კურსი მოიცავს როგორც ეროვნულ კანონმდებლობას, ასევე, საერთაშორისო სტანდარტებს და პრაქტიკულ უნარ-ჩვევებს.
გამომძიებლებმა შინაგან საქმეთა სამინისტროს აკადემიაში შესაბამისი ტესტირება უკვე გაიარეს. ტესტირების შედეგების, დატვირთვის, წარმოებაში არსებული საქმეების გამოძიების ხარისხის, საგამოძიებო სისტემაში მუშაობის გამოცდილების და ხელმძღვანელის დახასიათების საფუძველზე მოხდა პოტენციური ტრენერების იდენტიფიცირება, რომლებმაც ორეტაპიანი კონკურსი გაიარეს. შედეგად, შეირჩა 25 ტრენერი გამომძიებელი, რომლებიც, პროკურორებთან და პოლიციის აკადემიის ტრენერებთან ერთად, სამინისტროს მასშტაბით გამომძიებლებს გადაამზადებენ.
ტრენერთა გადამზადების პირველი ეტაპი ევროკავშირის ფინანსური მხარდაჭერით, „სისხლის სამართლის მართლმსაჯულების მხარდაჭერის პროექტის“ ფარგლებში მიმდინარეობს.




Tavdacva

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა



arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.8%
შემცირდა 11.4%
არ შეცვლილა 2.8%