გენერალ სამსონ ქუთათელაძის მკვლელობის ბრალდებით დაკავებულ გიორგი ჭანტურიას ბრალს ოფიციალურად დღეს წაუყენებენ. ჭანტურიას გამოძიება განზრახ მკვლელობასა და ცეცხლსასროლი იარაღის მართლსაწინააღმდეგო შეძენა-შენახვასა და ტარებას ედავება.
ჭანტურია სამართალდამცველებმა 7 აგვისტოს ხელმეორედ დააკავეს. მამის კუთვნილი საცხოვრებელი სახლის ჩხრეკისას პოლიციამ 3 ავტომატური ცეცხლსასროლი იარაღი, ვაზნები და მჭიდები ამოიღო. ბრალის ოფიციალურად წარდგენის შემდეგ პროკურატურა სასამართლოს აღკვეთის ღონისძიების შეფარდების შუამდგომლობით მიმართავს.
ცნობისთვის, გენერალ სამსონ ქუთათელაძის მკვლელობის საქმეზე დაკავებული გიორგი ჭანტურიას მამის კუთვნილი სახლიდან სამი ავტომატი, 500 ვაზნა და 24 მჭიდი ამოიღეს.
ე.წ. სტამბოლის ბაზრობის დირექტორი, ყოფილი პარლამენტარი და გენერალი სამსონ ქუთათელაძე რუსთავში 2018 წლის 15 იანვარს მოკლეს.
ქუთათელაძეს ცეცხლნასროლი ჭრილობა თავის არეში ჰქონდა მიყენებული. აღნიშნულ საქმეზე სამართალდამცავებმა 16 იანვარს გიორგი ჭანტურია დააკავეს, თუმცა, მას მიმდინარე გამოძიებაზე ბრალი არ წარუდგინეს. გუშინ გვიან ღამით კი, ჭანტურია სამართალდამცავებმა კვლავ დააკავეს.