ბათუმში ავტოავარიას 60 წლის ქალის სიცოცხლე ემსხვერპლა, მას მიკროავტობუსი დაეჯახა. ის ადგილზევე გარდაიცვალა.
შემთხვევა დღეს დილით, ტამარის დასახლებაში, ხელოვნების ცენტრის მიმდებარე ტერიტორიაზე მოხდა.
დაღუპული შპს სანდასუფთავების სამსახურის თანამშრომელია, ის ავარიის დროს სამსახურეობრივ საქმიანობას ასრულებდა.
"ქუჩას ასუფთავებდა. დაახლოებით დილის 6 საათი იყო. მიკროავტობუსის მძღოლს სავარაუდოდ ჩაეძინა და ზურგიდან დაეჯახა" - განაცხადა შპს "სანდასუფთავების" სამსახურის უფროსმა რევაზ ჯინჭარაძემ.
გამოძიება სსკ 276 მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ადამიანის სიცოცხლის მოსპობა.
დანაშული ოთხიდან შვიდ წლამდე თავისუფლების აღკვეთით ისჯება.