გენერალ სამსონ ქუთათელაძის მკვლელობის საქმეზე ხელმეორედ დაკავებულ გიორგი ჭანტურიას ბრლას ოფიციალურად ხვალ, დღის პირველ ნახევარში წაუყენებენ.
ადვოკატ ანი კეკენაძის განმარტებით, ის ესაუბრა მისი დაცვის ქვეშ მყოფს, გიორგი ჭანტურიას, რომლისთვისაც უცნობია, თუ რა მტკიცებულებებზე დაყრდნობით საუბრობს შსს მის ბრალეულობასთან დაკავშირებით.
ამასთან, ადვოკატის განმარტებით, საქმის მასალები დაცვის მხარეს ამ დრომდე არ მიუღია.
ცნობისთვის, გიორგი ჭანტურია განზრახ მკვლელობისა და ცეცხლსასროლი იარაღის მართლსაწინააღმდეგო შეძენა-შენახვა-ტარების ბრალდებით გუშინ დააკავეს.
დანაშაული 7-დან 15 წლამდე ვადით თავისუფლების აღკვეთას ითვალისწინებს.