გენერალ სამსონ ქუთათელაძის მკვლელობის საქმეზე დაკავებული გიორგი ჭანტურიას სახლიდან სამი ავტომატი, 500 ვაზნა და 24 მჭიდი ამოიღეს.
ამის შესახებ ჭანტურიას ადვოკატებმა განაცხადეს, რომლებიც დაკავებულის მამის კუთვნილი სახლის ჩხრეკას რვა საათზე მეტი ხნის განმავლობაში ესწრებოდნენ.
როგორც ადვოკატები აცხადებენ, იარაღი ჩადებულია და ჭანტურიას არ ჰქონია. მათივე ცნობით, სახლი 3 დღის განმავლობაში დაკეტილი იყო, თუმცა, იარაღის ჩადება სხვა შესასვლელიდან შესაძლებელი იყო.
ცნობისთვის, რომ ე.წ. სტამბოლის ბაზრობის დირექტორი, ყოფილი პარლამენტარი და გენერალი სამსონ ქუთათელაძე რუსთავში 2018 წლის 15 იანვარს მოკლეს.
ქუთათელაძეს ცეცხლნასროლი ჭრილობა თავის არეში ჰქონდა მიყენებული. აღნიშნულ საქმეზე სამართალდამცავებმა 16 იანვარს გიორგი ჭანტურია დააკავეს, თუმცა, მას მიმდინარე გამოძიებაზე ბრალი არ წარუდგინეს. გუშინ გვიან ღამით კი, ჭანტურია სამართალდამცავებმა კვლავ დააკავეს.
