გენერალ სამსონ ქუთათელაძის საქმის გამოძიების ფარგლებში დაკავებული და შემდეგ გათავისუფლებული გიორგი ჭანტურია სამართალდამცავებმა გუშინ ხელმეორედ დააკავეს.
როგორც ჭანტურიას მეზობლები ჰყვებიან, გუშინ მთელი ღამის განმავლობაში ჭანტურიას საცხოვრებელ სახლში ჩხრეკა მიმდინარეობდა.
დაკავებულის ადვოკატის განცხადებით, ჩხრეკის შედეგად იარაღების მთელი არსენალია ამოღებული, რომელიც ჭანტურიას სამართალდამცავებმა ჩაუდეს. ადვოკატი ამ ყველაფერს მასკარადს უწოდებს.
ცნობისთვის, რომ ე.წ. სტამბოლის ბაზრობის დირექტორი, ყოფილი პარლამენტარი და გენერალი სამსონ ქუთათელაძე რუსთავში 2018 წლის 15 იანვარს მოკლეს.
ქუთათელაძეს ცეცხლნასროლი ჭრილობა თავის არეში ჰქონდა მიყენებული. აღნიშნულ საქმეზე სამართალდამცავებმა 16 იანვარს გიორგი ჭანტურია დააკავეს, თუმცა, მას მიმდინარე გამოძიებაზე ბრალი არ წარუდგინეს.
