დღეს არ ვართ მზად, რომ ემიგრანტებს ვეძახდეთ დაბრუნდით, დაბრუნდით, მაგრამ მზად უნდა ვიყოთ იმისთვის, რომ ისინი ჩართულნი იყვნენ საქართველოს განვითარებაში. ემიგრანტების გარეშე საქართველოს განვითარება არ იქნება. ამავდროულად, ყველაფერი უნდა ვიღონოთ, რომ ეს ნაკადი, რომელიც გარეთ არის, შემცირდეს და ერთ დღეს უკუნაკადი დაიწყოს – ეს ჩემი ერთ–ერთი მთავარი საზრუნავი იქნება, - განაცხადა საქართველოს პრეზიდენტობის დამოუკიდებელმა კანდიდატმა, სალომე ზურაბიშვილმა.
სალომე ზურაბიშვილის თქმით, ქვეყნის გაერთიანება მხოლოდ ტერიტორიული მთლიანობა არ არის. ამ კონტექსტში საუბრისას, პრეზიდენტობის კანდიდატმა ემიგრანტებზეც ისაუბრა და აღნიშნა, რომ ქვეყნის განვითარება, მათი მონაწილეობის გარეშე წარმოუდგენელია.
