ირანის საგარეო საქმეთა მინისტრმა მუჰამედ ჯავად ზარიფმა განაცხადა, რომ მსოფლიოსგან იზოლაციაში არის არა თეირანი, არამედ აშშ-ის პრეზიდენტი დონალდ ტრამპი, ისრაელის პრემიერ მინისტრი ბინიამინ ნეთანიაჰუ და საუდის არაბეთის პრინცი მუჰამედ ბენ სალმან ალ საუდი.
"ვისაც გინდათ იმას კითხეთ მსოფლიოს ნებისმიერ წერტილში და თქვენ გეტყვიან, რომ ნეთანიაჰუ, ტრამპი და ბენ სალმანი იზოლაციაში იმყოფებიან, და არა ირანი“ - აცხადებს ზარიფი.
მანამდე ცნობილი გახდა, რომ ევროკავშირი დაბლოკავს აშშ-ის სანქციებს ირანის წინააღმდეგ.
გასულ კვირას, ზარიფმა შესთავაზა აშშ-ს გამოიჩინონ პატივისცემა ირანელების მიმართ და დაიცვან საერთაშორისო ვალდებულებები.
მანამდე კი, ტრამპმა განაცხადა მზადყოფნა შეხვდეს ირანის პრეზიდენტს ჰასან რუჰანს, თუმცა მაიკ პომპეომ უარყო თეთრი სახლის ხელმძღვანელის განცხადება და მოთხოვა თეირანს რიგი პირობების განხორციელება.
ირანმა მკვეთრად უარყო წინადადება და მოითხოვა აშშ-სგან დაუბრუნდნენ ბირთვულ გარიგებას.