ალბათ, არ აწყობთ ჩემი აქ დაჭერა. იმაში დარწმუმნებულები არიან, რომ ჩემი დაკავებით, აქ ძალიან ცუდი ამბავი ატყდება, - ამის შესახებ „ჯი-ეიჩ-ენს“ სპეცოპერაციისას მოკლული თემირლან მაჩალიკაშვილის მამამ, მალხაზ მაჩალიკაშვილმა განუცხადა.
როგორც ის განმარტავს, ქართულ სახელმწიფოს თემირლანის სიკვდილთან დაკავშირებით, სიმართლის დადგენა არ აწყობს, რის გამოც, ყველანაირი ხერხით ცდილობენ მის ჩამოშორებას.
„თავიანთ ჭკუაში, ვითომ ყველაფერს აკეთებდნენ, მაგრამ ესენი პროფესიონალები არ არიან. პროფესიონალები რომ იყვნენ, აქამდე რაღაცას მოიფიქრებდნენ, მაგრამ თავიანთი უვიცობით, დიდ შეცდომებს უშვებენ. უნდოდათ, ევროპაში დავეჭირე და იქიდან ჩამოვეყვანე, მაგრამ ამ გეგმამ არ გაჭრა.
ერთი რამე ზუსტად ვიცი, რომ ესენი ყველაფერს აკეთებენ იმისთვის, რომ ევროპულ სასამართლოში არ წავიდე. აქაც ყველაფერს აკეთებენ, რომ სიმართლე არ დადგინდეს. თუ ევროპაში ჩავედი, ესენი მილიონი პროცენტით არიან დარწმუნებული, თუ იქ ჩავალ, სიმართლე გაირკვევა და ყველა ხერხს მიმართავენ, რომ ეს სიმართლე არ დადგინდეს. ზუსტად ვიცი, ეს სუს-ის ნამოქმედარია“, - აცხადებს მაჩალიკაშვილი.
