"საქართველოს ნატოში გაწევრიანება შეიძლება კატასტროფული აღმოჩნდეს“ - ამის შესახებ განცხადება რუსეთის პრემიერ მინისტრმა დიმიტრი მედვედევმა გააკეთა.
„ამან შესაძლოა მოახდინოს საშინელი კონფლიქტის პროვოცირება. გაუგებარია, ვის რაში უნდა ეს“ - განაცხადა მან რადიოსადგურ „კომერსანტთან“ მიცემულ ინტერვიუში.
მანამდე, რუსეთის პრეზიდენტმა ვლადიმერ პუტინმა განაცხადა, რომ მოსკოვი უარყოფითადაა განწყობილი ნატოს გაფართოებაზე. კერძოდ მასში საქართველოსა და უკრაინის შესვლის საკითხის მიმართ.
