წინასაარჩევნო კურიოზად ჩავთვალოთ, რომ „ქართული ოცნება“ უპარტიო კანდიდატს ასახელებს, – ამის შესახებ საქართველოს პრეზიდენტმა გიორგი მარგველაშვილმა განაცხადა.
„ქართული ოცნების“ კანდიდატი, როგორც ვხვდები, არ არსებობს. ამდენი ხნის განმავლობაში ვსაუბრობდი, რომ „ქართული ოცნება“ ვერ დააყენებს კანდიდატს, რადგან ამ კანდიდატმა ყველაფერზე, რაც მე ვთქვი და პლუს იმ თემებზე, რაც ხუთი წლის განმავლობაშ იყო – ვეტოს თუ გამოიყენებ, მტერი ხარ და სასახლეში თუ შეხვალ, მოღალატე ხარ – მთელ ამ თემებზე თავის თავზე უნდა აიღოს ეს ყველაფერი და ხელი უნდა მოაწეროს, რომ იქნება მორჩილი და ყველაფერის შემსრულებელი.
აქედან გამომდინარე, იმას, რასაც ჩვენ დღეს ვისმენთ, რომ საუბარია იქნება არაპარტიულ კანდიდატზე, რომელსაც თურმე მმართველი პარტია დაუჭერს მხარს, ეს ფენომენი – ამასაც მინდა, ყურადღებით დააკვირდეთ, რა განსხვავება იქნება ამ კანდიდატსა და ჩემს შორის, როდესაც მე ვიყავი საპრეზიდენტო კანდიდატი.
ზუსტად ასე, მე არ ვიყავი არც ერთი პარტიის წევრი და მმართველი პარტია მიჭერდა მხარს. შესაბამისად, იმ კანდიდატმა და „ქართულმა ოცნებამ“ უნდა უპასუხოს მნიშვნელოვან კითხვას, ხუთი წლის განმავლობაში მე რომ მაყვედრიდა მმართველი პარტია, რომ თურმე ჩემ გვერდით იდგა არჩევნებში, აქედან გამომდინარე, რომ მეუბნებოდა, ყველაფერზე ხელი უნდა მომწერა რასაც მმართველი პარტიის პოლიტსაბჭო გადაწყვეტდა, რანაირ დამოუკიდებელ კანდიდატზე გვაქვს საუბარი.
კიდევ ერთხელ, ზუსტად ასე, 2013 წელს მე არ ვიყავი პარტიის წევრი და უბრალოდ მხარს მიჭერდა მმართველი პარტია, ეს კიდევ ერთი კურიოზი, როგორც კი დაიწყო არჩევნები, კურიოზული სიტუაციები წარმოიშვა, გეგონება ახალი ფორმატი არის უპარტიო კანდიდატთან.
აბა მე ვინ ვიყავი, უპარტიო კანდიდატი არ ვიყავი, რომელსაც ხუთი წელიწადი იმას აყვედრიდნენ, რომ თურმე „ქართული ოცნება“ რასაც იტყვის, იმ დღის წესრიგისთვის უნდა დამეჯერებინა? ეს ჩავთვალოთ წინასაარჩევნო კურიოზად, რომ უპარტიო კანდიდატს ასახელებს „ქართული ოცნება“. ან არის პარტიის კანდიდატი, ან არ არის. ზუსტად ასე ვიყავი მეც უპარტიო“, – განაცხადა გიორგი მარგველაშვილმა.