იმ შემთხვევაში, თუ სალომე ზურაბიშვილი საპრეზიდენტო არჩევნებში ჩართვას გადაწყვეტს, მასთან ბრძოლა ყველა კანდიდატს გაუჭირდება, - ამის შესახებ პარლამენტის ვიცე-სპიკერმა გია ვოლსკიმ განაცხადა.
მისი თქმით, თუ სალომე ზურაბიშვილი გეგმავს, რომ საკუთარი თავი პრეზიდენტობის კანდიდატად დააყენოს, არ ნიშნავს, რომ „ქართული ოცნება“ იმ პოზიციაზე იქნება, რომ მას მხარი დაუჭიროს, თუმცა დამოუკიდებელი კანდიდატის მხარდაჭერა და არჩევა განსაკუთრებულად მნიშვნელოვანია.
„საწინააღმდეგო არგუმენტებიც არსებობს, რაც ჯერ არ განგვიხილავს. რაც შეეხება ზურაბიშვილს, მასთან ბრძოლა ყველა კანდიდატს გაუჭირდება, რადგან ბევრი პოზიტივი აქვს, თუნდაც, მისი ფრანგული ბექგრაუნდი გაიხსენეთ, ასევე ის, გაერო-ს დესპანი რომ იყო ირანში, საქართველოდან რუსული ბაზების გაყვანაზე მრავალმხრივი მოლაპარაკებები აწარმოა და ა.შ. ეს მისი პოზიტიური საქმიანობის მცირე ჩამონათვალია. „ქართული ოცნება“ გადაწყვეტილებას მიიღებს და ეს სახელმწიფოს საუკეთესო ინტერესებზე იქნება დამყარებული და არა პარტიულ ინტერესებზე“, – განაცხადა ვოლსკიმ.
