ყველა მიმართულებით არის სამუშაო. შსს-ში არსებითი ცვლილებები ხორციელდება. ამ პროცესებს სათავეში გიორგი გახარია უდგას და დარწმუნებული ვარ, მისი ხელმძღვანელობით, ყველა მიმართულებით სერიოზული პროგრესი იქნება, - ამის შესახებ პარლამენტის თავმჯდომარე ირაკლი კობახიძემ არასრულწლოვნების მიერ დანაშაულის პრევენციის მიმართულებით ცვლილებების საჭიროებასთან დაკავშირებით განაცხადა.
მისი თქმით, კრიმინალთან ბრძოლა ერთ-ერთი უმთავრესი პრიორიტეტია.
„კრიმინალთან ბრძოლა ერთ-ერთი უმთავრესი პრიორიტეტია და დარწმუნებული ვარ, გახარიას ხელმძღვანელობით, ამ კუთხით შსს-ს სერიოზული წარმატებები ექნება“, – განაცხადა ირაკლი კობახიძემ, რომელმაც აქვე აღნიშნა, რომ საჭიროების შემთხვევაში, შესაძლოა, კანონმდებლობაც გადაისინჯოს.