პარლამენტის თავმჯდომარის განცხადებით, „ქართულ ოცნებაში“ საპრეზიდენტო კანდიდატთან დაკავშირებული კონსულტაციები კვირის ბოლომდე დასრულდება.
ამასთან, მისი თქმით, კონსულტაციების შედეგად გადაწყდება, რა სახით მიიღებს მონაწილეობას მმართველი პარტია არჩევნებში.
„სავარაუდოდ, ამ კვირის ბოლოს გვექნება კონსულტაციები საპრეზიდენტო კანდიდატთან დაკავშირებით. ამის საფუძველზე ჩამოყალიბდება ჩვენი პოზიცია, რა სახით ვმონაწილეობთ არჩევნებში,“ - განაცხადა ირაკლი კობახიძემ.