ამ წუთებში თბილისის საქალაქო სასამართლოში თემქაზე ანა ნაცვლიშვილის მკვლელობაში ბრალდებულ ლადო გრიგალაშვილის საქმეზე ფარული საგამოძიებო მოქმედებების შედეგად მოპოვებულ მასალას იკვლევენ.
მანამდე სასამართლოს ჩვენება ექსპერტმა ლეილა გვასალიამ მისცა.
მან მონაწილეობა მიიღო ლადო გრიგალაშვილის მამის, ზაქარია გრიგალაშვილის კუთვნილი ავტომანქანის ჩხრეკასა და ამოღებული ნივთების ექსპერტიზაში მონაწილეობა.
როგორც ექსპერტი განმარტავს, ავტომანქანიდან ამოღებულ დანაზე სისხლის ლაქები იქნა აღმოჩენილი.
მისივე თქმით, ჩხრეკას თავიდან ბოლომდე ესწრებოდა ბრალდებულის მამა.
"აბსოლუტურად ყველაფერს ესწრებოდა, გვერდიდან არ მომიცილებია, არანაირი პრეტენზია არ დაუფიქსირებია", - განაცხადა ექსპერტმა.
ცნობისთვის, 20 წლის ანა ნაცვლიშვილის მკვლელობის საქმეზე მოკლულის შეყვარებული, ლადო გრიგალაშვილი დააკავეს, ის ჩადენილ დანაშაულს არ აღიარებს.
