თბილისის საქალაქო სასამართლოში თემქაზე ანა ნაცვლიშვილის მკვლელობაში ბრალდებულ ლადო გრიგალაშვილის საქმეზე გამომძიებელს კითხავენ.
აღნიშნულმა გამომძიებელმა ბრალდებულ ლადო გრიგალაშვილის მამის, ზაქარია გრიგარაშვილის სახელზე რეგისტრირებული მანქანის ჩხრეკა ჩაატარა. ჩხრეკას ესწრებოდა ბრალდებულის მამა, იმ დროს შსს-ს მოქმედი თანამშრომელი.
როგორც გამომძიებელი აცხადებს, ამ დანაშაულთან დაკავშირებით გრიგალაშვილის სავარაუდო კავშირები იკვეთებოდა, რის გამოც გადაუდებელი აუცილებლობის საფუძველზე მანქანის ჩხრეკა ჩატარდა.
"ავტომანქანა იყო დაკეტილი. სახელურიდან, ასევე საბარგულის გასაღებიდან ანაწმენდები ავიღეთ.
კარის ჯიბეში, პლასტმასის სათავსოში იყო დანა ჩადებული. ზაქარია გრიგალაშვილმა განაცხადა, რომ წლების განმავლობაში ეს დანა მისი იყო.
აღნიშნული დანა ექსპერტიზისთვის დაილუქა.
ადგილზევე იყო აღმოჩენილი მოწითალო ლაქა, რაზეც ვეჭვობდით რომ შესაძლებელი იყო სისხლი ყოფილიყო. ავტომანქანის ჩხრეკისას ამოღებული ყველა ნივთი ადგილზე დაილუქა, რომელსაც ბრალდებულის მამა ესწრებოდა", - აცხადებს გამომძიებელი.
ცნობისთვის, 20 წლის ანა ნაცვლიშვილის მკვლელობის საქმეზე მოკლულის შეყვარებული, ლადო გრიგალაშვილი დააკავეს, ის ჩადენილ დანაშაულს არ აღიარებს.
