დარწმუნებული ვარ, ხორავას ქუჩის საქმეზე ძალიან კვალფიციურ და კომპეტენტურ დასკვნას მოვამზადებთ, - ამის შესახებ საპარლამენტო უმრავლესობის ლიდერმა არჩილ თალაკვაძემ ხორავას ქუჩაზე მომხდართან დაკავშირებით განაცხადა.
მისი თქმით, საგამოძიებო კომისია აგრძელებს მუშაობას.
„ამ მომენტისთვის საკმაოდ ბევრი სამუშაო ჩავატარეთ იმისთვის, რომ შეკითხვებზე პასუხები მიგვეღო. დავამუშავებთ ინფორმაციას, რომელიც ამ გამოკითხვების შედეგად მივიღეთ და დარწმუნებული ვარ, რომ ძალიან კვალფიციურ და კომპეტენტურ დასკვნას მოვამზადებთ ამ საქმესთან დაკავშირებით“, - განაცხადა თალაკვაძემ, რომელმაც აქვე აღნიშნა, რომ პროკურატურის წარმომადგენლებთან არაერთი შეკითხვა ექნებათ, კერძოდ, თუ რა გააკეთეს და რისი გაკეთება შეიძლებოდა კიდევ უფრო აქტიურად, რათა მოწმეებს სრულფასოვანი ჩვენებები მიეცათ.