ამერიკის ქალაქ ჰიუსტონში, ტეხასის შტატი, უცნობმა მამაკაცმა აშშ-ის ყოფილi პრეზიდენტის, ჯორჯ ბუში უფროსის კარდიოლოგს ცეცხლსასროლი იარაღიდან ორჯერ ესროლა. იტყობინება KHOU11-ი.
ინციდენტი ტეხასის სამედიცინო ცენტრთან ახლოს მოხდა. მსხვერპლი და მკვლელი ერთმანეთის პირისპირ ველოსიპედებით მოძრაობდნენ. როცა ის მობრუნდა და განახორციელა კარდიოლოგის მიმართ ორი გასროლა. ექიმი მარკ ჰაუსნეხტი მიყენებული ჭრილობების შედეგად ადგილზე გარდაიცვალა.
მკვლელზე გამოცხადდა ძებნა. ის 30 წლამდე, თეთრი კანის ან ლათიმოამერიკელი მამაკაცია, თხელი წვერით, მზისგან დამცავი სათავლითა და კეპით, რომელსაც უმკლავო ქურთუკი და შორტები ეცვა.
ყოფილი პრეზიდენტის წარმომადგენლებმა გარდაცვლილის ოჯახს სამძიმარი გამოუცხადეს.
"მარკი იყო შესანიშნავი ადამიანი და კარდიოლოგი. მე მარად ვიქნები მადლიერი მისი მხრიდან გამოჩენილი განსაკუთრებული თანაგრძნობის გამო. ვლოცულობთ მისი ოჯახისთვის" - განაცხადა ჯორჯ ბუშ უფროსმა.
