სმიტების მკვლელობაში ბრალდებული ჩვენთან კომუნიკაციაზე არ წამოვიდა, - ამის შესახებ სახალხო დამცველმა ნინო ლომჯარიამ პარლამენტის სხდომაზე ანგარიშის წარდგენისას განაცხადა.
„მან არ ისურვა თუნდაც იმ განცხადებების დაოქმება, რაც სახალხო დამცველის წარმომადგენლებთან გააკეთა. ჩვენი მხრიდან ინტერესი იყო, თუმცა ბრალდებული ჩვენთან კომუნიკაციაზე არ წამოვიდა“, - განაცხადა ლომჯარიამ პარლამენტის სხდომაზე.
ცნობისთვის, ხადას ხეობაში სმიტების ოჯახის წევრების მკველობის ბრალდებით, სამართალდამცავებმა 19 წლის მალხაზ კობაური დააკავეს. მან თავდაპირველად, ჩადენილი დანაშაული აღიარა, თუმცა, მოგვიანებით, სასამართლოში განაცხადა, რომ მკვლელობა მას არ ჩაუდენია.
