ვფიქრობ, მისი მკვეთრი განცხადება გადაჭარბებული იყო, - ამის შესახებ პარლამენტის თავდაცვის და უშიშროების კომიტეტის თავმჯდომარე ირაკლი სესიაშვილმა გედევან ფოფხაძის იმ განცხადებასთან დაკავშირებით აღნიშნა, სადაც მან თქვა, რომ „ქართული ოცნება“ კომკავშირია.
მისი თქმით, გუნდს გედევან ფოფხაძესთან ერთად საერთო პოზიციების შეჯერება არ გაუჭირდება.
„გედევან ფოფხაძე დიდი ხანია ვიცნობ და ემოციური ხასიათის შესახებაც ვიცი. ვფიქრობ, მისი მკვეთრი განცხადება გადაჭარბებული იყო, თუმცა იმის გათვალისწინებით, რომ ჩვენ მნიშვნელოვანი ღირებულებები გვაერთიანებს, ვფიქრობ, გედევან ფოფხაძესთან ერთად საერთო პოზიციების შეჯერება არ გაგვიჭირდება”, – განაცხადა ირაკლი სესიაშვილმა.