მინდელის შახტაში დაშავებული მეშახტეებიდან ორს ხვალ კლინიკიდან გაწერენ. ამის შესახებ "ჯი-ეიჩ-ენს" დამწვრობის ცენტრის ხელმძღვანელმა, გუგა ქაშიბაძემ განუცხადა.
როგორც ის განმარტავს, ამ მომენტისათვის დაშავებულების მდგომარეობა სტაბილურია.
"ჩვენს კლინიკაში 4 პაციენტია მოთავსებული. აქედან ორი ხვალ ეწერება სახლში, ისინი ოჯახებს დაუბრუნდებიან. მათ შედარებით მსუბუქად ჰქონდათ დაზიანებები. ორი მათგანი კი, კვლავ მძიმე მდგომარეობაში, რეანიმაციულ განყოფილებაში რჩება. თუმცა, მდგომარეობა სტაბილურია.
არის სხვადასხვა ლოკალიზაციის და ფართობის დაზიანებები. ერთ მათგანს რომელსაც 25 პროცენტიანი დამწვრობა ჰქონდა მიღებული, ჩაუტარდა ქირურგიული ჩარევა-საკუთარი კანის გადანერგვა. მეორე პაციენტთან გვაქვს 50%-იანი დამწვრობა. მასთან ქირურგიულ ჩარევას მომავალ კვირას ვგეგმავთ“, - აცხადებს ქაშიბაძე.
