Facebook-ის ხელმძღვანელი და დამფუძნებელი მარკ ცუკერბერგი აცხადებს, რომ კომპანიას გააჩნია უტყუარი მტკიცებულება რუსეთის ჩარევისა ამერიკის 2016 წლის საპრეზიდენტო არჩევნებში.
"ჩვენს ხელთ არსებული მონაცემები ნათლად მიუთითებს იმაზე, რომ რუსები მართლაც ცდილობდნენ მოეხდინათ გავლენა არჩევნებზე", - განაცხადა მან Recode-თან ინტერვიუში ცუკერბერგმა.
"ჩვენ ეს აღმოვაჩინეთ 2015 წლის შუაში და მივაწოდეთ ინფორმაცია FBI-ს. შემდეგ ვნახეთ იგივე 2016 წელსაც და მოვახდინეთ ზოგიერთი პირის იდენტიფიკაცია. არჩევნების დროს, ჩვენ მივიღეთ გარკვეული ინფორმაცია გამოძიების ფედერალური ბიუროდან, რომელიც ჩვენ დაგვეხმარა, რომ გავრკვეულიყავით ვითარების საერთო სურათში. თქვენ შეგიძლიათ ეს ნახოთ პროკურორ რობერტ მიულერის დოკუმენტებში, რომელიც გასულ კვირას გამოვიდა. ეს ჩვენი დასკვნების ნაწილია“ - დასძინა ცუკერბერგმა.
გასულ კვირას აშშ-ის გენერალური პროკურორის მოადგილემ როდ როზენშტაინმა განაცხადა, რომ აშშ-ის ხელისუფლებამ ბრალი წაუყენა რუსული დაზვერვის 12 სავარაუდო ეჭვმიტანილს, მთავარი დაზვერვის სააგენტოდან.
ბრალი იქნა წაყენებული პროკურორ მიულერის გამოძიების ფარგლებში, დონალდ ტრამპის წინასაარჩევნო შტაბსა და რუსეთის შესაძლო კავშირის გამო.