ბრიტანეთის პოლიციამ იმ პირების იდენტიფიცირება მოახდინა, რომლებიც მონაწილეები იყვნენ სერგეი და იულია სკრიპალების მოწამვლის საქმეში, ასევე ეიმსბერში მომხდარი მოწამვლის ფაქტშიც. რის შედეგადაც ერთ-ერთი დაზარალებული მოგვიანებით საავადმყოფოში გარდაიცვალა.
Press Association-ის განცხადებით, გამომძიებლები მიიჩნევენ, რომ დაადგინეს ეჭვიტანილები. მათი ზუსტი რაოდენობა არაა დასახელებული.
სავარაუდოდ იდენტიფიცირება მოხდა გარეთ დამონტაჟებული სათვალთვალო კამერების მონაცემების გამოყენებით. რომელსაც პოლიციელები ადარებდნენ იმ ადამიანების ფოტოებთან, რომლებიც იმ პერიოდში შევიდნენ ქვეყანაში.
ამავე დროს, გამომძიებლები დარწმუნებულები არიან, რომ ყველა ეჭვმიტანილი რუსული წარმოშობისაა.
მანამდე გავრცელდა ინფორმაცია, რომ სერგეი და იულია სკრიპალების მოწამვლის ფაქტში, ასევე ეიმსბერში მომხდარი მოწამვლის ფაქტის დროს, მონაწილეობდა ქალი. Daily Mail-ის ცნობით, მონაწილე პირების რაოდენობა 6 პირამდე აღწევს.
