„ნებისმიერი ადამიანი, ვისი გუნდის წევრიც არ უნდა იყოს ის, არის ყოფილი, ახლანდელი თუ მომავალი თანამდებობის პირი, ვალდებულია, პასუხი გასცეს პროკურატურის კითხვებს,“ - ამის შესახებ განცხადება ფრაქცია “ქართული ოცნების“ თავმჯდომარემ, მამუკა მდინარაძემ, პროკურატურაში ორი ყოფილი მინისტრის გამოკითხვასთან დაკავშირებით გააკეთა. ბიუჯეტიდან დიდი ოდენობით თანხის გაფლანგვასთან დაკავშირებით კი ამბობს, რომ “დარწმუნებულია, გამოძიება ამას დეტალურად გასცემს პასუხს“.
“ბუნებრივია, გამოძიების დეტალებთან დაკავშირებით ინფორმაცია არ მაქვს და არც უნდა მქონდეს. რაც შეეხება ამ ადამიანების დაკითხვას, ნებისმიერი ადამიანი, ვისთანაც გამოძიებას კითხვები ექნება, ვალდებულია, კითხვებს ამომწურავი პასუხი გასცეს, იმის მიუხედვად, არის ყოფილი, ახლანდელი თუ მომავალი თანამდებობის პირი,“ - განაცხადა მამუკა მდინარაძემ.