აშშ-ის პრეზიდენტმა დონალდ ტრამპმა ცენტრალური სადაზვერვო სამმართველოს ყოფილ ხელმძღვანელს ჯონ ბრენანს „ძალიან ცუდი ბიჭი“ უწოდა, რომელმაც მანამდე აშშ-ის პრეზიდენტი მოღალატედ მოიხსენია, მისი ვლადიმერ პუტინთან გამართული პრესკონფერენციის შემდეგ.
"მე ვფიქრობ, რომ ბრენანი ძალიან ცუდი ბიჭია, თუკი გადავხედავთ იმ ფაქტებს რაც მოხდა მისი ზედამხედველობის ქვეშ. ვფიქრობ ის ძალიან ცუდი ადამიანია“ - განაცხადა ტრამპმა Fox News-თან მიცემულ ინტერვიუში.
ბრენენი ხელმძღვანელობდა ცენტრალურ სადაზვერვო სამმართველოს ობამას პრეზიდენტობისას. მანამდე ტრამპი აკრიტიკებდა თავის წინამორბედს და ქვეყნის სპეცსამსახურებს, რომ მათ უფლება მისცეს რუსეთს ჩარეულიყო არჩევნებში და არაფერი არ გაუკეთებიათ ამის საწინააღმდეგოდ.
ორშაბათს, ბრენანი Twitter-ზე წერდა, რომ ტრამპის გამოსვლა ჰელსინკში გამართულ პრესკონფერენციაზე, სადაც ის რუსეთის პრეზიდენტს ხვდებოდა, „სახელმწიფო დანაშაულს აღემატება, და ეს არაფერია სხვა, თუ არა ღალატი“.
ასე შეაფასა ცენტრალური სადაზვერვო სააგენტოს ყოფილმა ხემლძღვანელმა ტრამპის პუტინთან თანამშრომლობის პერსპექტივა.