ეს არის მხოლოდ რაც ვიცი და საჯაროდაც არის უკვე ინფორმაცია გაცხადებული, რომ გამოძიება მიმდინარეობს ზოგადად, თანხების კანონიერებასთან დაკავშირებით, – ამის შესახებ პარლამენტის იურიდიულ საკითხთა კომიტეტის თავმჯდომარე ეკა ბესელიამ ზურაბ ალავიძისა და დიმიტრი ქუმსიშვილის პროკურატურაში გამოკითხვასთან დაკავშირებით განაცხადა.
მისი თქმით, დაკითხვა არის ზოგადად ჩვეულებრივი საგამოძიებო მოქმედება, რომელიც ინფორმაციის მიღებას, გადამოწმებასა და დასმული კითხვების ირგვლივ პასუხების მიღების მიზანს ემსახურება.
„ეს არის მხოლოდ რაც ვიცი და საჯაროდაც არის უკვე ინფორმაცია გაცხადებული, რომ გამოძიება მიმდინარეობს ზოგადად, თანხების კანონიერებასთან დაკავშირებით. დაკითხვა არის ზოგადად ჩვეულებრივი საგამოძიებო მოქმედება, რომელიც ინფორმაციის მიღებას, გადამოწმებასა და დასმული კითხვების ირგვლივ პასუხების მიღების მიზანს ემსახურება. საქმის გარემოებებზე ბუნებრივია, პარლამენტის წევრებმა არ შეიძლება ვიცოდეთ, რადგან კონკრეტული სისხლის სამართლის საქმის დეტალებს, შინაარსს და გარემოებებს მხოლოდ მხარეები ეცნობიან“, – განაცხადა ეკა ბესელიამ.