იტალიელმა კარაბინერებმა დღეს განაცხადეს ბოშათა 31 კაციანი კრიმინალური დაჯგუფების დაკავების შესახებ, კიდევ ექვსი ძებნაში იმყოფება.
მათ ბრალი ედებათ ნარკოტიკების კონტრაბანდაში და ფულის გამოძალვაში მაფიოზური მეთოდებით, რომელიც იტალიის სისხლის სამართლის კანონმდებლობაში დამამძიმებელი გარემოებაა.
დაკავებები განხორციელდა იტალიის დედაქალაქში, ასევე ქვეყნის სამხრეთ პროვინციებში.
დაკავებულთა შორის არის დაჯგუფების ერთ-ერთი ლიდერი ჯუზეპე კაზამონიკა, რომელიც ერთი წლის წინ გამოვიდა საპყრობილედან, სადაც სასჯელს ნარკოტიკების გამო იხდიდა.
ცნობისთვის, ის არის ერთ-ერთი, იმ ოთხი კრიმინალური ავტორიტეტიდან, რომელთაც რომის „მეფეს“ უწოდებენ.
