აშშ-ის პრეზიდენტის დონალდ ტრამპისა და რუსეთის ლიდერის ვლადიმერ პუტინის ჰელსინკში გამართული შეხვედრის ხარჯები ფინეთის სახელმწიფო საბჭომ გაიღო. განაცხადა ქვეყნის პრემიერ მინისტრმა იუჰა სიპილამ.
მან სააგენტო STT- სთან მიცემულ ინტერვიუში განაცხადა, რომ ხარჯები ამერიკულ-რუსული სამიტის ჩასატარებლად ჰელსინკში, გასცა ფინეთის სახელმწიფო საბჭომ.
ამასთან, პრემიერ მინისტრს არ დაუსახელებია ხარჯების საბოლოო თანხა.
სიპილამ აღნიშნა, რომ აშშ-სა და რუსეთის პრეზიდენტების შეხვედრამ ფინეთის რეპუტაცია გააძლიერა და თავად ლიდერებიც კმაყოფილები დარჩნენ.
აღსანიშნავია, რომ ორი ქვეყნის ლიდერებმა შეძლეს სამიტზე საერთო ენის პოვნა, თუმცა აშშ-სა და ევროპაში სამიტს საერთო ჯამში ნეგატიურად აფასებენ.