მსახიობი და კალიფორინიის შტატის ყოფილი გუბერნატორი არნოლდ შვარცნეგერი მიჩნევს, რომ აშშ-ის პრეზიდენტი დონალდ ტრამპი, ჰელსინკში გამართულ პრესკონფერენციაზე პუტინთან შედარებით გამოიყურებოდა, როგორც „პატარა მოხარშული მაკარონი“.
"პრეზიდენტო მე ახლახანს ვნახე თქვენი პრესკონფერენცია პუტინთან შეხვედრისა. ეს იყო სამარცხვინო. თქვენ იდექით იქ როგორც პატარა მოხარშული მაკარონი, როგორც პატარა გულშემატკივარი. მე ვკითხე საკუთარ თავს, ნეტა როდის გამოართმევდით მას ავტოგრაფს ან სთხოვდით სელფის გადაღებას“ - განაცხადა შვარცნეგერმა Twitter-ით გავრცელებულ ვიდეომიმართვაში.
მსახიობის განცხადებით, პრესკონფერენციაზე ტრამპმა გასცა თავისი დაზვერვა, მართლმსაჯულების სისტემა და მთელი ქვეყანა.
„თქვენ აშშ-ის პრეზიდენტი ხართ და არ გიხდებათ ასეთი საქციელი. რა გჭირთ? - მიმართავს მსახიობი და ყოფილი გუბერნატორი არნოლდ შვარცნეგერი აშშ-ის პრეზიდენტს.
შეგახსენებთ, რომ პირველი ფართოფორმატიანი შეხვედრა აშშ-ის პერზიდენტსა და რუსეთის ლიდერს შორის 16 ივლისს ჰელსინკში გაიმართა. ის ორ საათზე მეტხანს გაგრძელდა.