თარიღი    დრო

ვახტანგ ლომჯარიამ მედიის წარმომადგენლებს ცხოველთა მუნიციპალური თავშესაფრის მუშაობის სპეციფიკა გააცნო

საქართველო, თბილისი - 14:26 07.16.2018 305

ცხოველთა მონიტორინგის სააგენტოს დირექტორმა ვახტანგ ლომჯარიამ მედიის წარმომადგენლებს ცხოველთა მუნიციპალური თავშესაფარი დაათვალიერებინა და მისი მუშაობის სპეციფიკა გააცნო.

ვახტანგ ლომჯარიასთან ერთად, ადგილზე თბილისის მერის მოადგილე მაია ბითაძე იმყოფებოდა, რომელმაც ცხოველთა მონიტორინგის სააგენტოს ფუნქციონირების მნიშვნელობას გაუსვა ხაზი და აღნიშნა, რომ სააგენტოს თითოეული თანამშრომლის შრომა განსაკუთრებით დასაფასებელია.

მაია ბითაძე რამდენიმე დღის წინ, სოციალურ ქსელებში გავრცელებულ ვიდეომასალას გამოეხმაურა და განაცხადა, რომ კადრები დადგმულია და მომხდართან დაკავშირებით, გამოძიება მიმდინარეობს.

„ყველა ადამიანის გასაგონად, რომელიც მანიპულირებს და შანტაჟის გზით ელაპარაკება თბილისის მერიას, მათ შორის, ცხოველთა მონიტორინგის სამსახურს, ხაზგასმით მინდა ვთქვა - ძალიან ვთხოვ, დააფასოს თითოეული ადამიანის შრომა, რომელიც ცხოველთა მონიტორინგის სამსახურში მუშაობს და კარგად დააკვირდეს იმ ღონისძიებებს, რასაც მუნიციპალიტეტი ახორციელებს იმისთვის, რომ ცხოველთა მონიტორინგის სააგენტომ დაიბრუნოს ის ფუნქცია, რისთვისაც ის შეიქმნა. ასევე, კარგად დააკვირდეს რეორგანიზაციის იმ აქტიურ პროცესს, რომლის მთავარი მიზანი სწორედ ისეთი ფაქტების აღმოფხვრაა, რომელზედაც ამ ადამიანებს, რომლებიც ახლა აქციებს მართავენ, თავის დროზე პრობლემა არ ჰქონიათ“, - განაცხადა მაია ბითაძემ.

მერის მოადგილის განმარტებით, არსებობს ეჭვი იმასთან დაკავშირებით, რომ აღნიშნული სცენა დადგმულია.

„ორი კვირის წინ გარკვეული ურთიერთობები შევწყვიტეთ რამდენიმე არასამთავრობო ორგანიზაციასთან. რეორგანიზაციის პროცესში გათავისუფლებული ადამიანების გაბოროტებული ქმედებების შედეგად კი მივიღეთ ის, რაც მივიღეთ. გამოძიება ცხოველებისადმი სასტიკი მოპყრობის მუხლით მიმდინარეობს. ასევე, ვფიქრობ, რომ შეუტყობინებლობის მუხლზეც იყოს საუბარი, თუმცა ეს გამოძიების პრეროგატივაა. მათ გასაგონად კიდევ ერთხელ მინდა ვთქვა, რომ სააგენტოს თანამშრომლების კეთილსინდისიერი შრომა დააფასონ და გავავლოთ ზღვარი კეთილსინდისიერებასა და დანაშაულს შორის, რომელსაც ვფიქრობთ, რომ ნამდვილად ჰქონდა ადგილი“, - აღნიშნა დედაქალაქის მერის მოადგილემ.

ცხოველთა მონიტორინგის სააგენტოს დირექტორი აღნიშნული ვიდეომასალის მომზადებაში ვეტერინარის მონაწილეობას გამორიცხავს და აცხადებს, რომ მომხდართან დაკავშირებით, გამოძიებას შინაგან საქმეთა სამინისტრო აწარმოებს.

„გუშინ ამ ყველაფრის გამოძიება დავიწყეთ. შინაგან საქმეთა სამინისტრო არსებულ მდგომარეობას იძიებს და ჩვენი მიზანია, დამნაშავე რაც შეიძლება მალე გამოვლინდეს და დაისაჯოს. გამოვრიცხავ, რომ ეს ვეტერინარს გაეკეთებინა. ეს იმ სურათის ინსცენირება იყო, რასაც ამდენი ხანია ვებრძვით და რის წინააღმდეგაც გამოვდივართ“, - განაცხადა ვახტანგ ლომჯარიამ.

მისივე თქმით, ცხოველთა მონიტორინგის სააგენტოს ახალი მენეჯმენტის პირობებში, სააგენტოში ძირეული ცვლილებები განხორციელდა. კერძოდ, არსებული რესურსით ორნახევარჯერ გაიზარდა ოპერაციების რაოდენობა. რეორგანიზაციის ფარგლებში, ასევე, შემცირდა ბიუროკრატია და აქცენტი თავშესაფარზე გაკეთდა. გარდა ამისა, გაძლიერდა სანიტარულ-ჰიგიენური ნორმები და სამაშველო ოპერაციები, რომელზეც მანამდე რეაგირება არ ხდებოდა.

ვახტანგ ლომჯარიას ინფორმაციით, მხოლოდ გაზაფხულზე ჩატარებული 102 სამაშველო ოპერაციისას, სააგენტოს თანამშრომლებმა 111 ცხოველი გადაარჩინეს. სამომავლოდ იგეგმება ვეტექიმების, ფერშლების, კინოლოგებისა და სანიტრების რაოდენობის ზრდაც. ასევე, მინიმუმამდეა შემცირებული ევთანაზიის რიცხვი.




konfliqtebi

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)

20:05 ტოიოტა ცენტრ თეგეტაში ახალი თაობის RAV 4-ის და Corolla-ს პრეზენტაცია გაიმართა

12:13 ფინკა ბანკი სრულად იცავს SMART კამპანიის პრინციპების მიხედვით მომხმარებელთა უფლებებს

12:00 საგაზაფხულო აქციები „გორგიაში“ - გაიგეთ, თუ რა აქციებს გთავაზობთ ყველაზე იაფი სამშენებლო-სარემონტო ჰიპერმარკეტი საქართველოში

11:10 საქართველოს ბანკი ქალების ბიზნესში მხარდაჭერას განაგრძობს

17:00 იჩქარეთ! აქცია განახლებული პირობებით იპოთეკურ სესხებზე ლარში ბაზისბანკისგან

13:57 თიბისი ლიზინგის ახალი პროდუქტი - ჩააბარე ძველი და გაიყვანე ახალი ავტომობილი

13:10 Global Finance-მა თიბისი ბანკი საქართველოში 2019 წლის საუკეთესო ბანკად აღიარა

12:39 უძრავი ქონების ახალი ციფრული პლატფორმის ბეტა ვერსია უკვე ყველასთვის ხელმისაწვდომია



arqivi


ბოლო სამი წლის განმავლობაში თქვენი პირადი შემოსავლები
გაიზარდა 84.7%
შემცირდა 12.2%
არ შეცვლილა 3%