„ერთიან ნაციონალურ მოძრაობის“ ერთ-ერთი ლიდერის, ნიკა მელიას ინფორმაციით, პარტიას საპრეზიდენტო კანდიდატთან დაკავშირებით საბოლოო გადაწყვეტილება მიღებული არ აქვს.
მისივე ინფორმაციით, უახლოეს პერიოდში გადაწყდება, რა ფორმით მიიღებს „ნაციონალური მოძრაობა“ საპრეზიდენტო არჩევნებში მონაწილეობას.
„უახლოეს პერიოდში საბოლოოდ გადაწყდება რა სახით, რა ფორმით, რა კონფიგურაციით მივიღებთ მონაწილეობას ჩვენ, როგორც ერთი სუბიექტი – „ნაციონალური მოძრაობა“ სხვა პოლიტიკურ და საზოგადოებრივ ჯგუფებთან ერთად. ამ წუთის მდგომარეობით, ჯერ საბოლოო გადაწყვეტილება მიღებული არ არის”, - განაცხადა ნიკა მელიამ.