პარტია „ახალი საქართველოს“ ოფისში 9 პოლიტიკური პარტია საპრეზიდენტო არჩევნებზე ოპოზიციურ გაერთიანებასთან დაკავშირებით კონსულტაციებს მართავს.
მათი თქმით, მნიშვნელოვანია, ამ არჩევნებზე მმართველი პარტიის დამარცხება, რათა კარგად გადანაწილდეს სახელისუფლებო მანდატი, ხოლო პრეზიდენტის ინსტიტუტი, რომელიც მათი შეფასებით, არ არის „ქართული ოცნების“ გავლენის ქვეშ, სამომავლოდაც ასე შენარჩუნდეს.
„ახალი საქართველოს“ ლიდერის, გიორგი ვაშაძის განცხადებით, გაერთიანებულ ოპოზიციას საპრეზიდენტო არჩევნებზე საერთო კანდიდატი ეყოლება. მისი ვინაობა კი, რამდენიმე დღეში გახდება ცნობილი.
პოლიტიკურ კონსულტაციებში მონაწილეობენ პარტია „ახალი საქართველოს“, „ნაციონალური მოძრაობის“, „ახალი მემარჯვენეების“, „ეროვნულ-დემოკრატიული პარტიის“ და სხვა არასაპარლამენტო ოპოზიციის წარმომადგენლები.