[კონსტიტუციაში გიორგი მარგველაშვილის] მეცადინეობასა და სწავლებაზე პასუხისმგებელი მე არ ვიყავი, თუმცა, როგორც ჩანს, ეს სერიოზული პრობლემაა, - ამის შესახებ ჟურნალისტებს პარლამენტის თავმჯდომარე ირაკლი კობახიძემ განუცხადა.
ის იმედოვნებს, რომ პრეზიდენტი აჭარის მთავრობის შერჩევის მიზნით, კონსტიტუციას სწორად გააცნობიერებს, სწორად წაიკითხავს და ამ მოცემულობის შესაბამისად იმოქმედებს.
„მეცადინეობასა და სწავლებაზე პასუხისმგებელი მე არ ვიყავი, თუმცა, როგორც ჩანს, ეს სერიოზული პრობლემაა. პრეზიდენტი პირველი უნდა იყოს, ვინც კითხულობს და სწორად კითხულობს კონსტიტუციას, თუმცა ამ კუთხით პრობლემებს ვხედავთ. მარტივი ვითარებაა, როდესაც პრეზიდენტს ვალდებულება აქვს, რაც მოსახლეობის წინაშე ვალდებულებაა, იმ მოსახლეობის წინაშე, რომელმაც აჭარაში ნდობა „ქართულ ოცნებას“ გამოუცხადა. ეს მისი ვალდებულებაა საზოგადოების, მოსახლეობის წინაშე და იმედი მაქვს, რომ საბოლოოდ, კონსტიტუციას სწორად გააცნობიერებს, სწორად წაიკითხავს და ამ მოცემულობის შესაბამისად იმოქმედებს”, – განაცხადა კობახიძემ.
