ქობულეთი-ბათუმის შემოვლით გზაზე ავარია მოხდა, რომლის შედეგადაც, დაღუპულია 3 ადამიანი, მათ შორის არიან მცირეწლოვნები. ავარიის შედეგად დაშავებულია ასევე, ორი ადამიანი.
არსებული ინფორმაციით, ავარიაში ერთი ოჯახის 5 წევრი მოყვა, საიდანაც სამი - ორი ბავშვი და მამა დაიღუპა. დაღუპულებს შორის ერთი 3 თვის ჩვილია.
როგორც "ჯი-ეიჩ-ენს" შსს-ში განუცხადეს, მომხდართან დაკავშირებით, გამოძიება სსკ-ის 276-ე მუხლის მე-7 ნაწილით მიმდინარეობს, რაც ავტოსაგზაო შემთხვევისას წესების დარღვევას გულისხმობს, რამაც სიცოცხლის მოსპობა გამოიწვია.