აშშ-ს იუსტიციის დეპარტამენტმა გამოაქვეყნა ახალი ბრლდებები რუსეთის 12 მოქალაქის მიმართ, რომლებიც პროკურორ რობერტ მიულერის მიერ ჩატარებული გამოძიების ფარგლებში, არიან ეჭვმიტანილები აშშ-ის არჩევნებში რუსეთის ფედერაციის ჩარევაში. განაცხადა აშშ-ის გენერალური პროკურორის მოადგილემ როდ როზენსტაინმა გამართულ პრესკონფერენციაზე.
როგორც იუსტიციის სამინისტროს მიერ გავრცელებულ ტექსტშია ნათქვამია, ისინი აშშ-ს დემოკრატიული პარტიის კომპიუტერული ქსელების დარბევაში არიან ბრალდებულები. არაკანონიერი გზით იღებდნენ კონფიდენციალურ ინფორმაციას და აქვეყნებდნენ მას.
დოკუმენტში ჩამოთვლილი პირებიდან სამს ბრალი ედება აშშ-ის პრეზიდენტობის კანდიდატის ჰილარი კლინტონის კამპანიასთან დაკავშირებული ადამიანების, ელექტრონული ფოსტის გატეხვის მონაწილეობაში. ერთ-ერთს ბრალი ედება აშშ-ის დემოკრატიული პარტიის ეროვნული კომიტეტის სერვერზე შესვლისა და წერილების მოპარვის გამო. ასევე ერთ-ერთმა ბრალდებულმა განახორციელა კლინტონის კამპანიის თანამშრომლების წინააღმდეგ ფიშინგ შეტევა. ჩამოთვლილი 12 პირიდან ერთმა თავის თანამოაზრეებთან ერთად გატეხა საარჩევნო სადამკვირვებლო კომისიის ვებგვერდი და ნახევარი მილიონი მომხმარებლის მონაცემები მოიპარა.