თარიღი    დრო

მომავალ წელს ნატო-სთან ერთად უფრო მასშტაბური წვრთნები ჩატარდება, ვიდრე 2016-ში იყო - ლევან იზორია

საქართველო, თბილისი - 11:21 07.13.2018 673

საქართველოს თავდაცვის მინისტრობის კანდიდატმა, ლევან იზორიამ პარლამენტში, გაერთიანებული კომიტეტების სხდომაზე განაცხადა, რომ ბუქარესტის სამიტზე მიღებულია გადაწყვეტილება, რომ საქართველო გახდება ნატო-ს წევრი ქვეყანა. მისი თქმით, ყველა წევრმა ქვეყანამ მკაფიოდ დააფიქსირა პოზიცია, რომ ნატო-ში გაწევრიანების გზაზე საქართველოს ექნება მაქსიმალური მხარდაჭერა.

„ეს გამოიხატება მათ შორის დეკლარაციაში გაცხადებულ ნატო-საქართველოს არსებითი პაკეტის გაფართოების ინიციატივაზეც. კერძოდ, საუბარია ახალი ინიციატივების შესახებ და თანამშრომლობის გაღრმავებაზე სხვადასხვა მიმართულებით, როგორიც არის კონტრმობილურობა, კიბერუსაფრთხოება, საუბარია ასევე უსაფრთხო კომუნიკაციების სისტემის მიმართულებით. რაც მთავარია, ერთობლივი წვრთნების ჩატარების დაგეგმვაზე, რომელიც მომავალ წელს გაიმართება უფრო ფართო მასშტაბით, ვიდრე 2016 წლის მიწურულს გაიმართა“, – განაცხადა იზორიამ.

მისი თქმით, ნატო-ს ბრიუსელის სამიტმა მიიღო მნიშვნელოვანი დეკლარაცია, ერთი სამიტის, მეორე ნატო-საქართველოს კომისიის, კიდევ ერთხელ ხაზგასმით აღნიშნა, რომ ნატო რჩება ღია კარის პოლიტიკის ერთგული, მათ შორის საქართველოსთან მიმართებაში.

მისივე თქმით, განსაკუთრებით ხაზგასმით აღნიშნა იმ რეფორმების და პროგრესის შესახებ, რომელიც საქართველოს აქვს დემოკრატიული ინსტიტუტების განმტკიცების, თავდაცვის უწყებაში მიმდინარე მოდერნიზებისა და რეფორმების პროცესთან დაკავშირებით.

„ითქვა, რომ საქართველომ მიაღწია მნიშვნელოვან წარმატებას, განსაკუთრებით ყოვლისმომცველი რეფორმების განხორციელების კუთხით და იმ მთავარი მოთხოვნის შესრულების თვალსაზრისით, რაც უკავშირდება ადეკვატურ დაფინანსებას. ეს იყო სამიტის ერთ-ერთი მწვავე თემა. კერძოდ ის, რომ ქვეყნებმა მთლიანი შიდა პროდუქტის 2%, ხოლო თავდაცვის ბიუჯეტიდან 20% მიმართონ ძირითად შეიარაღებაზე. საქართველო ამ თვალსაზრისით არის ერთ ერთი მოწინავე პარტნიორი ქვეყანა ნატო-სთვის და სამაგალითო სხვა წევრი ქვეყნებისთვის, რომლებმაც აიღეს ვალდებულება, ეს მოთხოვნა 2024 წელს შესრულდეს“,- აღნიშნა იზორიამ.




Tavdacva

ყველა სიახლის ნახვა...

sazogadoeba

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.4%
შემცირდა 11.7%
არ შეცვლილა 2.9%