თბილისის საქალაქო სასამართლოში 20 წლის ანა ნაცვლიშვილის მკვლელობის საქმეზე ჩვენებას მისი არასრულწლოვანი და ე.ნ. აძლევს. გამოკითხვას ესწრება მისი კანონიერი წარმომადგენელიც.
გამოკითხვისას არასრულწლოვანმა რამდენჯერ საუბრის გაგრძელება ვერ შეძლო, რის გამოც, მოსამართლემ გოგონას დედას მიმართა მის გვერდით დამდგარიყო.
"მამამისს გადაეცი, რომ ყელი უნდა გამოვჭრა ჩვენი ასეთ დღეში ჩაგდებისთვის", - ასე მიმართა დარბაზში მყოფ გრიგალაშვილის ახლობელს ანა ნაცვლიშვილის მამამ, მამუკა ნაცვლიშვილმა.
მოსამართლემ მას კორექტულობისკენ მოუწოდა და განუმარტა, თუკი, წესრიგს არ დაიცავდა, მისი დარბაზიდან გაძევება მოუწევდა.
ე.ნ.-მა გაიხსენა, თუ როგორ მივიდა მათთან მკვლელობის დღეს ბრალდებული და როგორ სთხოვდა მას ანას მოძებნას.
"6 საათზე კარზე ზარი იყო, მე გავაღე, ანა სად არის ხომ არ იცი, ესემესებზე არ მპასუხობს, არც ზარზე. მიდი ნახე, აბაზანაშიაო? - მითხრა ბრალდებულმა... მესენჯერში რომ შევედი ანა 55 წუთის წინ იყო შესული, ანუ ანა სახლიდან 5 საათზე გავიდა.
ბრალდებული კართან რომ იდგა თავის ძმაკაცებს ურეკავდა... თბილისის ზღვაზეც კი ავედი, არც იქ არ იყოო, მითხრა.
ბრალდებულმა მკითხა, წინა დღეს ოჯახში რამე კონფლიქტი ხომ არ ყოფილაო", - განაცხადა ე.ნ.-მა.