გერმანიის კანცლერმა ანგელა მერკელმა კომენტარი გააკეთა დონალდ ტრამპის განცხადებასთან დაკავშირებით, რომ გერმანია მთლიანად კონტროლდება რუსეთის მიერ.
"ამ შემთხვევას მე მინდა დავამატო, რომ თავად განვიცდიდი იმას, როცა გერმანიის ნაწილი კონტროლირდებოდა საბჭოთა კავშირის მიერ და ძალიან მიხარია, რომ ეხლა ჩვენ გაერთიანებული და თავისუფალი ქვეყანა ვართ. ჩვენ შეგვიძლია გავატაროთ ჩვენი პირადი დამოუკიდებელი პოლიტიკა და მივიღოთ პირადი გადაწყვეტილებები“ - განაცხადა მერკელმა ჟურნალისტებთან სიტყვით გამოსვლისას ნატოს სამიტზე.
მისი თქმით, გერმანია მადლობელია ნატოსი, რომ მოხდა გერმანიის გაერთიანება. ის, რომ ევროპა ერთიანია ამას ბევრი საერთო აქვს ნატოსთან.
„მაგრამ გერმანიაც ბევრს აკეთებს ნატოსთვის" - აღნიშნა მერკელმა. მან შეახსენა, რომ გერმანიის სამხედრო კონტიგენტი მეორეა თავისი მოცულობით ნატოში, ასევე ის რომ გერმანიის სამხედრო პოტენციალის დიდი ნაწილი აქტიურად მონაწილეობს ავღანეთში.
შეგახსენებთ რომ მანამდე დონალდ ტრამპმა იენ სტოლტენბერგთან საუბრისას განაცხადა, რომ რუსეთი მთლიანად აკონტროლებს გერმანიას, გაზის მიწოდების გზით.
"გერმანია უხდის მილიარდობით დოლარს რუსეთს და ჩვენ ასეთ ქვეყანას ვიცავთ რუსეთისგან. ისინი აშენებენ გაზსადენს, რომლის მიზანია - იხადონ მილიარდობით დოლარი რუსეთის ხაზინაში“ - განაცხადა ტრამპმა იენ სტოლტენბერგთან საუბრისას. ჩვენ არ უნდა მივცეთ გერმანიას ასეთი საქციელის უფლება - დასძინა მან.
