ხადას ხეობაში სმიტების ოჯახის წევრების მკვლელობაში ბრალდებული 19 წლის მწყემსის, მალხაზ კობაურის ადვოკატები, მცხეთის რაიონული სასამართლოს მიერ მიღებულ გადაწყვეტილებას სააპელაციო წესით გაასაჩივრებენ.
ისინი სასამართლოს გადაწყვეტილებას აღკვეთის ღონისძიების სახით პატიმრობის შეფარდებასთან დაკავშირებით არ ეთანხმებიან და მიიჩნევენ, რომ სასამართლოს მკაცრი აღკვეთის ღონისძიების გამოყენების საფუძველი არ ჰქონდა.
"ამ ეტაპზე თავს ვიკავებთ კონკრეტიზაციისგან შეგნებულად, რადგან ჩემი შეხედულებით ეს იმდენად მნიშვნელოვანი ინფორმაციაა, რომ ჯერ ბრალდების მხარე უნდა დაინტერესდეს. თუმცა ფაქტია, რომ ჯერ არ ინტერესდება", - განაცხადა ადვოკატმა ალუდა ბუჩუკურმა.
დღევანდელ პროცესზე კობაურმა განცხადა, რომ სმიტების ოჯახის წევრები მას არ მოუკლავს, ისინი უცხოელმა მამაკაცებმა მოკლეს, მას კი დაემუქრნენ.
ცნობისთვის, სმიტების ოჯახის 3 წევრის მკვლელობაში ბრალდებულ 19 წლის მწყემს მალხაზ კობაურს აღკვეთის ღონისძიების სახით პატიმრობა შეეფარდა. შესაბამისი გადაწყვეტილება მცხეთის საქალაქო სასამართლოს მოსამართლემ მიიღო.
