მემარჯვენე პარტია „ეროვნული გაერთიანების“ ლიდერმა მარინ ლე პენმა, ნატოს ახალი მისია შესთავაზა, რომელიც ტერორიზმთან ბრძოლას და რუსეთის ალიანსში მოწვევას გულისხმობს.
"რას ემსახურება ნატო საბჭოთა კავშირის დაშლის შემდეგ? ეს არის რეალური კითხვა. შეგვიძლია თუ არა ალიანსს მივცეთ ახალი მისია - ბრძოლა ისლამიზმთან და ტერორიზმთან?“ - წერს ლე პენი Twitter-ზე.
"სწორედ ამ მისიის ფარგლებში რუსეთი უნდა შემოვიდეს ნატოში“ - დასძინა პოლიტიკოსმა.
შეგახსენებთ, რომ დღეს ბრიუსელში ნატოს ორდღიანი სამიტი იწყება.
