ლენტეხში, სოფელ ზესხოში ცეცხლი უკიდია ტყის საფარს. ცეცხლის ქრობაში ჩართულია 120 მეხანძრე-მაშველი და ადგილზე იმყოფება ლოჯისტიკისა და კავშირგაბმულობის შესაბამისი ჯგუფები. ასევე, სამეგრელო-ზემო სვანეთის სატყეო სამსახურის თანამშრომლები.
საგანგებო სიტუაციების მართვის სამსახურის ინფორმაციით, ხანძარი მეხის ჩამოვარდნამ გამოიწვია.
რთული რელიეფის გამო, ადგილზე მობილიზებულია ცოცხალი ძალა. მეხანძრე-მაშველებმა ცეცხლის რამდენიმე ღია კერის ლიკვიდირება მოახერხეს.
ხანძრის ქრობის პროცესში, საჭიროების შემთხვევაში მოხდება ვერტმფრენის ჩართვა. მიმდინარეობს ხანძრის ლოკალიზება.