კანადას პრემიერ-მინისტრი ჯასტინ ტრიუდო შოკში აგდებს საზოგადოებას ოფიციალურ შეხვედრებზე თავისი ექსტრავაგანტული წინდების დემონსტრირებით. ამჯერად ის დააჯარიმეს 100 დოლარით არადეკლარირებული მზის სათვალის გამო.
როგორც „CBC News“-ი იუწყება, ასეთი წვრილმანი, როგორიც არის მინისტრის ახალი სათვალე, შეამჩნია კანადის ეთიკის მონიტორინგის ორგანომ. აღმოჩნდა, რომ კანადის მთავრობის ხელმძღვანელმა დაარღვია კანონი ინტერესთა კონფლიქტის შესახებ - მან არ აცნობება ხელისუფლებას ერთი თვის განმავლობაში მიღებული საჩუქრების შესახებ.
გასული წლის ზაფხულს, პრინც ედუარდის კუნძულის პრემიერმა ტრიუდოს და მის მეუღლეს აჩუქა ორი წყვილი მზის სათვალე ტყავის ჩასადებით.
ტრიუდოს პრესმდივანმა ეს შემთხვევა ადმინისტრაციული შეცდომით ახსნა, რომელიც დეკლარაციის შევსების არასწორი ფორმით იყო გამოწვეული.