26 ივნისს, მსოფლიოს 80-ზე მეტ ქვეყანაში იმართება აქცია „ზრუნვა, დასჯის ნაცვლად“ (Support don’t punish). ამ აქციას ყოველწლიურად უერთდება საქართველოც. აქციის მიზანია მოუწოდოს სახელმწიფოს შეცვალოს რეპრესიული ნარკოპოლიტიკა და დაამკვიდროს ნარკოტიკების მომხმარებლებისადმი ჰუმანური მიდგომა, რაც გულისხმობს ნარკოტიკების მოხმარებისთვის სისხლის სამართლებრივი დევნის გაუქმებას და ნარკოდამოკიდებულების პრობლემის სამმართლებრივი სივრციდან - საზოგადოებრივი ჯანდაცვისა და ადამიანის უფლებების დაცვის სფეროში გადატანას.
აქციის მიზანია შეცვალოს სახელმწიფოს დამოკიდებულება და დაიწყოს კომპლექსური ბრძოლა ქვეყანაში არსებულ პრობლემებთან და არა პრობლემის მქონე ადამიანებთან.
26 ივნისის აქციას „ზრუნვა, დასჯის ნაცვლად“ (Support don’t punish) უერთებიან ცნობილი ქართველი მომღერლები, მუსიკოსები და ელექტრონული მუსიკის შემსრულებლები, რომლებიც მხარდამჭერ კონცერტს გამართავენ. კონცერტი დაიწყება საღამოს 20:00 საათზე, დედაენის ბაღში. კონცერტს გახსნიან მომღერალი ელენე კალანდაძე, ჯგუფი „რეზო და ბავშვები“, ჯგუფი „არა“, ჯგუფი „მარტივი გამოსავალი (გამოუვალი მდგომარეობა)“, ხოლო საღამოს გააგრძელებენ დიჯეები DJ Nuji, Tomma, Bacho, Bero, Autumn tree [Leon]. აქციის და კონცერტის ორგანიზატორები არიან: „საქართველოს ნარკოპოლიტიკის ეროვნული პლატფორმა“, კომპანია „მეტროგრაფი“ და კომპანია Team 4 Events.
26 ივნისის კამპანიას უერთდებიან ცნობილი საზოგადო მოღვაწეები და ადამიანები: ნანკა კალატოზიშვილი (მსახიობი), კახა კინწურაშვილი (მსახიობი) ელენე კალანდაძე (მომღერალი), ლევან საგინაშვილი (ევროპის ჩემპიონი მკლავჭიდში), გია ბუღაძე (მხატვარი), დათო გაბუნია (მომღერალი), ვანიკო თარხნიშვილი (მსახიობი), ნიკოლოზ რაჭველი (კომპოზიტორი), ნიკა მაჩაიძე (კომპოზიტორი), მამა ლევან მათეშვილი (დეკანოზი), გიორგი ბახუტაშვილი (მსახიობი), ნატა მურვანიძე (მსახიობი), რუსუდან გოცირიძე (საქართველოს ევანგელისტურ-ბაპტისტური ეკლესიის ეპისკოპოსი), სტეფანე მღებრიშვილი (მომღერალი), ლაშა ფარღალავა (კალათბურთელი, მწვრთნელი), გოგა ჩანადირი (ფოტოგრაფი), ნინო ზაუტაშვილი (ტელეწამყვანი, პროდიუსერი), მერაბ მეტრეველი (ჟურნალისტი).