„ვფიქრობ რომ აშშ-ის მხარდაჭერა ნატოს ბრიუსელის სამიტის წინ ძალიან მნიშვნელოვანი გზავნილია საერთაშორისო საზოგადოებისათვის“ - ეს განცხადება ენმ-ს წარმომადგენელმა სალომე სამადაშვილმა დღეს პარლამენტში ჟურნალისტებთან გააკეთა.
ის ამბობს, რომ აშშ-ის როგორც საქართველოს პარტნიორის მხრიდან ნატოს სამიტის წინ გამოხატული მხარდაჭერა არის უაღრესად მნიშვნელოვანი მით უმეტეს იმ ფონზე, როდესაც რუსეთი ცდილობს წინ აღუდგეს საქართველოს ევროინტეგრაციას. თუმცა, რუსეთის ქმედებაში საქართველოს სახელმწიფოს როლის მნიშვნელობაზე საუბრობს და აღნიშნავს, რომ სწორედ საქართველოს უმოქმედობის ბრალია „რუსეთი რომ ცდილობს წინ აღუდგეს საქართველოს ევროინტეგრაციას“.
„ყველაზე არსებითია, რომ რუსეთთან ურთიერთობის დალაგებას არ შეეწიროს საქართველოს ევროინტეგრაცია. რაც არის ჩვენი ურყევი მიზანი და ამ დალაგებამ ჩვენს ინტეგრაციას არცერთ შემთხვევაში არ უნდა შეუშალოს ხელი და არ უნდა შეეძლოს რუსეთს საქართველოს მხრიდან დამთბარი პოლიტიკა საკუთარი მიზნებისათვის გამოიყენოს“- განაცხადა სალომე სამადაშვილმა.